10 სექტემბერი 2016

WORLD PULL-UP DAY

გახდი მასშტაბური სოციალური პროექტის მონაწილე!

გაავრცელე: #worldpullupday

რეკლამის ადგილი (728x90)

ბოლო სიახლეები

Friday, September 18, 2015

ქართველმა რეკორდსმენებმა World Pull-Up Day აღნიშნეს

ძელზე მიზიდვის მსოფლიო დღე – საქართველოს რეკორდების ფედერაციის წევრები
12 სექტემბერს მსოფლიოს 60–ზე მეტ ქვეყანაში World Pull-Up Day (ტურნიკზე მიზიდვის მსოფლიო დღე) აღინიშნა. პროექტს საქართველოც შეუერთდა – აქციაში ქართველი რეკორდსმენები ჩაერთნენ და ძელზე მიზიდვები შეასრულეს. ღონისძიება მსოფლიო რეკორდის დამყარებით დასრულდა.

ადგილობრივი აქცია ე.წ. „წითელ ბაღში“, საქართველოს რეკორდების ფედერაციის ორგანიზებით გაიმართა. ფედერაციის წარმომადგენლებმა ძელზე მიზიდვები შეასრულეს და რეზულტატები სპეციალურ სარეგისტრაციო ფორმებში დააფიქსირეს. სპეციალურად ამ დღისთვის პანკისის ხეობიდან ჩამოვიდა ახალგაზრდა სპორტსმენი მუხმად მუთოშვილი, რომელმაც ტურნიკზე საჩვენებელი ვარჯიშები შეასრულა და ღონისძიება სთრით ვორქაუთის ელემენტებით გააფორმა. ღონისძიების მთავარი ნაწილი კი მსოფლიო რეკორდის დამყარება იყო: 25 წლის გიორგი ფუტკარაძემ ერთი წუთის განმავლობაში 50 მიზიდვა შეასრულა და გინესის მოქმედ რეკორდს 7 ერთეულით გადააჭარბა.

საერთო ჯამში, საქართველოდან შვიდმა მონაწილემ 160 მიზიდვა შეასრულა. მონაცემები სთრით ვორქაუთისა და ტანვარჯიშის მსოფლიო ფედერაციას გადაეგზავნა. გლობალური რეიტინგი უახლოეს მომავალში გამოქვეყნდება.

World Pull-Up Day სთრით ვორქაუთისა და ტანვარჯიშის მსოფლიო ფედერაციის (WSWCF) ყოველწლიური საქველმოქმედო–სპორტული პროექტია და მიზნად ისახავს ცხოვრების ჯანსაღი წესის პოპულარიზაციას, აგრეთვე ფონდების მოძიებას საქველმოქმედო დანიშნულებით. საქართველოში World Pull-Up Day–ის ორგანიზატორია საქართველოს რეკორდების ფედერაცია.


რეკორდები სიახლეები

Thursday, September 10, 2015

საქართველოს რეკორდების ფედერაციის წარმომადგენლები World Pull-Up Day–ის პრომო აქციას შეუერთდნენ

ირაკლი ვეკუა World Pull-Up Day–ის პრომო აქციაში
საქართველოს რეკორდების ფედერაცია World Pull-Up Day–ის პრომო აქციაში ჩაერთო. ფედერაციის წევრების ფოტოები დღეს პროექტის Facebook გვერდზე გამოქვეყნდა.

აქციაში მონაწილეობა მიიღეს World Pull-Up Day–ის კეთილი ნების ელჩმა – თემურ დადიანმა, საქართველოს რეკორდების ფედერაციის პრეზიდენტმა დავით ბეგიაშვილმა, გენერალურმა მდივანმა მამუკა ორმოცაძემ და მსოფლიო რეკორდსმენმა ირაკლი ვეკუამ. მათ პროექტის ლოგოს თანხლებით ფოტოები გადაიღეს და საზოგადოებას ღონისძიებაში მონაწილეობისკენ მოუწოდეს.

World Pull-Up Day სთრით ვორქაუთისა და ტანვარჯიშის მსოფლიო ფედერაციის (WSWCF) პატრონაჟით ხორციელდება. პროექტის მიზანია მოხალისეთა ჯგუფების მიერ ერთი დღის განმავლობაში ტურნიკზე (ჰორიზონტალურ ძელზე) მიზიდვების შესრულება და ამგვარად ცხოვრების ჯანსაღი წესის პოპულარიზაცია, აგრეთვე ფონდების მოძიებას საქველმოქმედო დანიშნულებით. მიმდინარე წელს პროექტში 60–ზე მეტი ქვეყანა, მათ შორის – საქართველოც იღებს მონაწილეობას. ადგილობრივი ღონისძიება 12 სექტემბერს თბილისში, ე.წ. „წითელ ბაღში“ ჩატარდება და მასში მონაწილეობის მიღების საშუალება ნებისმიერ მსურველს ექნება. ღონისძიების ფარგლებში მსოფლიო რეკორდების დამყარებაც იგეგმება.

რეკორდები სიახლეები

Tuesday, September 8, 2015

საქართველო WPD რუკაზე მოინიშნა

საქართველო WPD ლოკაციების რუკაზე
World Pull-Up Day 2015–ის ღონისძიებების სპეციალურ რუკას საქართველოს ლოკაცია დაემატა. ვებ–გვერდზე განთავსდა ჩასატარებელი ღონისძიების ზუსტი დრო და ადგილი, აგრეთვე ზოგადი ინფორმაცია ორგანიზატორის შესახებ. ამ დროისათვის (09.09.2015) WPD რუკაზე საქართველოს ჩათვლით 67 ქვეყანაა მონიშნული.

ადგილობრივი ღონისძიება 12 სექტემბერს თბილისში, ე.წ. „წითელ ბაღში“ ჩატარდება. ღონისძიება 12:00 საათზე დაიწყება და 1 საათს გაგრძელდება. ორგანიზატორია საქართველოს რეკორდების ფედერაცია.

World Pull-Up Day (ტურნიკზე მიზიდვის საერთაშორისო დღე) მასშტაბური საქველმოქმედო–სპორტული ღონისძიებაა და მიზნად ისახავს ცხოვრების ჯანსაღი წესის პროპაგადას, აგრეთვე ფონდების მოძიებას სოციალური პრობლემების გადასაჭრელად. პროექტს ახორციელებს სთრით ვორქაუთისა და ტანვარჯიშის მსოფლიო ფედერაცია (WSWCF). გასულ წელს ღონისძიებაში 57 ქვეყანა იყო ჩართული, მოხალისეთა რაოდენობამ კი 14 ათასს გადააჭარბა.
სიახლეები

Tuesday, September 1, 2015

თემურ დადიანი – World Pull-Up Day 2015–ის კეთილი ნების ელჩი

თემურ დადიანი – WPD 2015–ის ამბასადორიორგზის მსოფლიო რეკორდსმენი, ავღანეთში დაჭრილი სამხედრო მოსამსახურე თემურ დადიანი მასშტაბური საქველმოქმედო–სპორტული პროექტის, World Pull-Up Day 2015–ის კეთილი ნების ელჩია. იგი მსოფლიო მასშტაბით საქართველოს ლოკალურ ღონისძიებას წარმოადგენს.

World Pull-Up Day–ის კეთილი ნების ელჩები (ამბასადორები) საზოგადოების ცნობილი წევრები არიან, რომლებიც თავიანთი ჩართულობით პოპულარიზაციას უწევენ პროექტს ეროვნული და მსოფლიო მასშტაბით. გასულ წელს ამბასადორებს შორის იყვნენ რუსული შოუ–ბიზნესის ვარსკვლავი ტიმატი, მოსკოვის „დინამოს“ ფეხბურთელი ალექსანდრ კოკორინი და ოლიმპიური მედალოსნები სპორტის სხვადასხვა სახეობიდან.

World Pull-Up Day სთრით ვორქაუთისა და ტანვარჯიშის მსოფლიო ფედერაციის (WSWCF) პატრონაჟით ხორციელდება. პროექტის მიზანია მოხალისეთა ჯგუფების მიერ ერთი დღის განმავლობაში ტურნიკზე (ჰორიზონტალურ ძელზე) მიზიდვების შესრულება და ამგვარად ცხოვრების ჯანსაღი წესის პოპულარიზაცია, აგრეთვე ფონდების მოძიებას საქველმოქმედო დანიშნულებით. მიმდინარე წელს პროექტში 60–ზე მეტი ქვეყანა, მათ შორის – საქართველოც იღებს მონაწილეობას. ადგილობრივი ღონისძიება 12 სექტემბერს თბილისში, ე.წ. „წითელ ბაღში“ ჩატარდება და მასში მონაწილეობის მიღების საშუალება ნებისმიერ მსურველს ექნება. ღონისძიების ფარგლებში მსოფლიო რეკორდების დამყარებაც იგეგმება.
რეკორდები სიახლეები

Wednesday, August 19, 2015

“რეკორდსმენთა რესპუბლიკა” World Pull-Up Day 2015–ის პარტნიორი გახდა

რეკორდსმენთა რესპუბლიკა – Record Holders Republic
უმაღლესი მიღწევების მარეგისტრირებელი ორგანიზაცია – „რეკორდსმენთა რესპუბლიკა” (Record Holders Republic) World Pull-Up Day 2015–ის ოფიციალური პარტნიორი გახდა. ორმხრივი თანამშრომლობის ფარგლებში RHR–ი ტურნიკზე მიზიდვის საერთაშორისო დღეზე დამყარებულ რეკორდებს დააფიქსირებს.

მხარეებს შორის შეთანხმება 12 აგვისტოს შედგა. პარტნიორობის შესახებ გადაწყვეტილება სთრით ვორქაუთის მსოფლიო ფედერაციის რეკორდების (WSWCF) მენეჯერმა – დავით ბეგიაშვილმა და „რეკორდსმენთა რესპუბლიკის” პრეზიდენტმა – დინ გოულდმა მიიღეს.

შეთანხმების მიხედვით, „რეკორდსმენთა რესპუბლიკა” აღრიცხავს და დაარეგისტრირებს World Pull-Up Day 2015–ის ღონისძიებაში ჩართული მოხალისეების რიცხვსა და მათ მიერ 24 საათის განმავლობაში შესრულებული მიზიდვების ჯამურ რაოდენობას. რეკორდების დასამყარებლად ღონისძიებაში მინიმუმ 5 000 მონაწილის ჩართვა და 6 000 მიზიდვის შესრულება იქნება საჭირო, თუმცა ორგანიზატორები გაცილებით უკეთეს შედეგს ელოდებიან.

მასობრივი რეკორდის გარდა, ღონისძიების ფარგლებში, საქართველოში დაგეგმილია ინდივიდუალური კატეგორიის რეკორდის დამყარებაც – 25 წლის გიორგი ფუტკარაძე შეეცდება, გააუმჯობესოს მოქმედი მსოფლიო რეკორდი 1 წუთის განმავლობაში ტურნიკზე მიზიდვაში. გინესის მსოფლიო რეკორდების ინფორმაციით, ამ სახეობაში უმაღლესი შედეგი 43 მოძრაობაა და სინგაპურელ სპორტსმენს ეკუთვნის.

„რეკორდსმენთა რესპუბლიკა” უმაღლესი მიღწევების რეგისტრაციას 2001 წლიდან ახორციელებს. ორგანიზაციის ხელმძღვანელობით დღემდე შეიქმნა რამდენიმე სატელევიზიო შოუ და გამოიცა რეკორდების წიგნი, სახელწოდებით „დაიჯერე დაუჯერებელი!“ (Believe the Unbelievable!), 2015 წელს კი ჩატარდა რეკორდსმენთა პირველი გუნდური შეჯიბრი – „რეკორდსმენთა რესპუბლიკის თასი”, რომელშიც მონაწილეობა ქართველმა რეკორდსმენებმაც მიიღეს. ორგანიზაციის ცენტრალური ოფისი დიდ ბრიტანეთში მდებარეობს, აგრეთვე, დანიშნული წარმომადგენლები ჰყავს აშშ–ში, ავსტრალიასა და აზიის ქვეყნებში. მიმდინარე წლის 1–ელ ივლისს RHR–ის წარმომადგენლად საქართველოში დავით ხარატიშვილი დაინიშნა.
რეკორდები სიახლეები

Tuesday, August 18, 2015

საინფორმაციო ცენტრების ქსელი World Pull-Up Day–ის მედიაპარტნიორი გახდა

საინფორმაციო ცენტრების ქსელი
საინფორმაციო ცენტრების ქსელი reginfo.ge საქართველოში World Pull-Up Day 2015–ის მედიაპარტნიორი გახდა. თანამშრომლობის ფარგლებში საინფორმაციო ცენტრების ქსელი პროექტთან დაკავშირებულ სიახლეებს გააშუქებს.

მსოფლიოს ერთ–ერთი ყველაზე მასშტაბური საქველმოქმედო–სპორტული ღონისძიება - „ტურნიკზე მიზიდვის საერთაშორისო დღე“ (World Pull-Up Day) 12 სექტემბერს ჩატარდება და მასში მონაწილეობის მიღება ნებისმიერ მსურველს შეეძლება. პროექტს ეროვნული მასშტაბით ახორციელებს საქართველოს რეკორდების ფედერაცია. ღონისძიების ფარგლებში იგეგმება მსოფლიო რეკორდების დამყარებაც.

საინფორმაციო ცენტრების ქსელი დამოუკიდებელი ორგანიზაციაა, რომელიც ამუშავებს კახეთის (www.ick.ge), მცხეთა-მთიანეთის (www.icmm.ge), ქვემო ქართლის (www.icn.ge) საინფორმაციო ცენტრებს და საინფორმაციო ცენტრს 16 100 (www.16100.ge). 2010 წლიდან დღემდე საინფორმაციო ცენტრების ქსელმა განახორციელა სხვადასხვა პროექტი, ფონდ „ღია საზოგადოება საქართველოს“ (OSGF), ამერიკის შეერთებული შტატების საელჩოს, საერთაშორისო კვლევებისა და გაცვლების საბჭოს (IREX), ევრაზიის თანამშრომლობის ფონდისა და სხვა ორგანიზაციების მხარდაჭერით.
მედია სიახლეები

Thursday, August 13, 2015

მონაწილეთა რეგისტრაცია დაიწყო

WPD რეგისტრაცია დაიწყო
World Pull-Up Day 2015–ში მონაწილეობის მსურველთა რეგისტრაცია დაწყებულია. ამ დროისათვის პროექტს უკვე შეუერთდა 24 გუნდი მსოფლიოს 17 ქვეყნიდან.

რეგისტრაცია პროექტის ვებ–გვერდზე, ონლაინ რეჟიმში ხორციელდება. პროცედურის გავლის შემდეგ თითოეულ გუნდს ენიჭება შესაბამისი ადგილი სპეციალურ რუკაზე, აგრეთვე მიეთითება ჩატარების ზუსტი დრო და ადგილი. გარდა ამისა, რუკაზე აღინიშნება ინფორმაცია კონკრეტული ღონისძიების ორგანიზატორის, სპონსორის, კეთილი ნების ელჩისა და მთავარი მსაჯის შესახებ.

მიმდინარე წელს World Pull-Up Day–ის აქციას საქართველოც უერთდება. ადგილობრივ ღონისძიებას საქართველოს რეკორდების ფედერაცია გაუწევს ორგანიზებას. ჩატარების ადგილი და სხვა დეტალები WPD რუკაზე უახლოეს მომავალში განთავსდება.

World Pull-Up Day (ტურნიკზე მიზიდვის საერთაშორისო დღე) მასშტაბური საქველმოქმედო–სპორტული ღონისძიებაა და მიზნად ისახავს ცხოვრების ჯანსაღი წესის პროპაგადას, აგრეთვე ფონდების მოძიებას სოციალური პრობლემების გადასაჭრელად. პროექტს ახორციელებს სთრით ვორქაუთისა და ტანვარჯიშის მსოფლიო ფედერაცია (WSWCF). გასულ წელს ღონისძიებას 57 ქვეყანა შეუერთდა, მოხალისეთა რაოდენობამ კი 14 ათასს გადააჭარბა.
სიახლეები

Monday, August 3, 2015

“World Pull-Up Day”–ის განახლებული ვებგვერდი აქვს

World Pull-Up Day–ს განახლებული საიტი აქვს
3 აგვისტოს “World Pull-Up Day”–ს ადმინისტრაციამ ახალი ვებ–გვერდი აამოქმედა. საიტზე ინფორმაცია ახლა უკვე სამ ენაზეა ხელმისაწვდომი. აგრეთვე, შეიცვალა სტრუქტურა და დიზაინი.

განახლებულ ვებ–გვერდზე განთავსებულია ვრცელი ინფორმაცია ინგლისურ, რუსულ და ესპანურ ენებზე. ინდივიდუალური განყოფილებები აქვს დათმობილი პროექტის აღწერას, წესებსა და ინსტრუქციებს, აგრეთვე გასული წლის შედეგებს და ფოტო გალერეას. მთავარ გვერდზე გამოტანილია რუკა, რომელზეც მონიშნულია ღონისძიების ჩატარების ადგილები და დეტალური მონაცემები თითოეული ლოკაციის შესახებ. ღონისძიებაში მონაწილეობის მსურველთათვის ფუნქციონირებს ონლაინ–რეგისტრაციის ფორმა.

შეგახსენებთ, რომ World Pull-Up Day (ტურნიკზე მიზიდვის საერთაშორისო დღე) მასშტაბური საქველმოქმედო–სპორტული ღონისძიებაა და მიზნად ისახავს ცხოვრების ჯანსაღი წესის პროპაგადას, აგრეთვე ფონდების მოძიებას სოციალური პრობლემების გადასაჭრელად. პროექტს ახორციელებს სთრით ვორქაუთისა და ტანვარჯიშის მსოფლიო ფედერაცია (WSWCF). ღონისძიებას წელს პირველად საქართველოც უერთდება.
სიახლეები

Saturday, June 27, 2015

საქართველოში “World Pull-Up Day 2015” ჩატარდება

World Pull-Up Day - ტურნიკზე მიზიდვის საერთაშორისო დღე
მსოფლიოს ერთ–ერთი ყველაზე მასშტაბური სპორტული პროექტი – World Pull-Up Day (ტურნიკზე მიზიდვის საერთაშორისო დღე) საქართველოში წელს პირველად ჩატარდება. ადგილობრივ ღონისძიებას საქართველოს რეკორდების ფედერაცია გაუწევს ორგანიზებას. ღონისძიება 12 სექტემბერს გაიმართება და მასში მონაწილეობის მიღების საშუალება ნებისმიერ მსურველს ექნება.

World Pull-Up Day მასობრივი საქველმოქმედო–სპორტული აქციაა. პროექტს ახორციელებს სთრით ვორქაუთისა და ტანვარჯიშის მსოფლიო ფედერაცია (WSWCF). ღონისძიების მიზანია, ერთი დღის განმავლობაში, მსოფლიო მასშტაბით, მოხალისეთა ჯგუფების მიერ ტურნიკზე (ჰორიზონტალურ ძელზე) მიზიდვების შესრულება და ამით ცხოვრების ჯანსაღი წესის პროპაგადა, აგრეთვე ფონდების მოძიება სოციალური პრობლემების გადასაჭრელად.

შარშან ღონისძიებაში 57 ქვეყნიდან 14 000–ზე მეტი მოხალისე ჩაერთო, შესრულებული მიზიდვების საერთო რაოდენობამ კი 167 759 შეადგინა. მიმდინარე წლის World Pull-Up Day–ზე ორგანიზატორები უფრო მაღალ აქტივობას ელოდებიან და მონაწილეთა რაოდენობის მიხედვით მსოფლიო რეკორდის დამყარებასაც იმედოვნებენ.

სთრით ვორქაუთისა და ტანვარჯიშის მსოფლიო ფედერაცია (WSWCF) უმაღლესი მმართველი ორგანოა ე.წ. „ქუჩის ვარჯიშების“ (Street Workout) სფეროში. ფედერაციის ცენტრალური ოფისი ლატვიის დედაქალაქ რიგაში მდებარეობს და ამჟამად 60 ქვეყანას აერთიანებს. მიმდინარე წლის თებერვალში საქართველოს რეკორდების ფედერაციის პრეზიდენტი დავით ბეგიაშვილი WSWCF–ის მსოფლიო რეკორდების მენეჯერად დაინიშნა.
სიახლეები

 

სპონსორები და პარტნიორები

  • Copyright © World Pull-Up Day Georgia™
    Designed by Templateism.